රට තොට ඇවිදින සහ පොත් පත් කියවන අපේ කාලයේ කොල්ලන්ගේ කෙල්ලන්ගේ අපූර්ව අද්දැකීම්. ඔබගේ අද්දැකීම එවන්න මෙන්න ලිපිනය ndilruksha@gmail.com

2018-08-17

|Highest Point of Sri Lankan Railway Lines|


අපේ රටේ දුම්රිය මංමාවත්වල උසම තැන පිහිටලා තියෙන්නේ උඩරට මාර්ගයේ පට්ටිපොළ දුම්රිය ස්ථානය ආසන්නයේ යි. පට්ටිපොළ දුම්රිය ස්ථානයේ සිට ඔහිය පැත්තට මීටර් හයසීයක් විතය යනකොට මේ ස්ථානය අපට හමුවෙනවා. එතැන ඒ ගැන සඳහන් පුවරු දෙකක්ද සවි කොට විස්තර දාලා තියනවා. පසුගිය දා අප එහිගොස් උඩරටමැණිකේ දුම්රිය එනතුරු බලා සිටියා. මේ ඒ සුන්දර දසුනේ හා අපේ චාරිකාවේ විස්තර රැගත් වීඩියෝවයි.



2018-07-23

| චු කරන තැන | ෂෝට් joke - 1 |


අලුත් වැඩක් පටන් ගන්න හිතුවා.  මගේ යු ටියුබ් චැනලයට කොමඩි මාලාවක්. මේ පළමු වැන්න. ඉතින් ඒ සඳහා ඔබ හැමෝගේම සහය අවශ්‍ය කරනවා. මෙය මිතුරන් අතරට අරන් යන්න දායකත්වයක් දෙන්න.


2018-07-04

ගල්බොඩ ඇල්ලේ අභිරහස මෙන්න | The secret of Galboda waterfall

අපේ ගල්බොඩ ගමන සංවිධානය වුණේ පොඩි මැණිකේ කෝච්චියෙන් යන්න.  

කොටුවෙන් උදේ පහයි පණහට ගමන් ආරම්භකර බදුල්ල බලා දිවෙන මේ දුම්රියේ සති අග දවසක් නිසා බොහොම සෙනගක් හිටිය.
නාවලපිටිය පසුකර දුම්රිය ස්ථාන දෙකකින් තමා ගල්බොඩ දුම්රිය ස්ථානය හමුවෙන්නේ. උදේ දහයයි කාල විතර වෙනකොට මෙතැනට පොඩි මැනිකේ ළගා වෙනවා.
ඇල්ලට යන්න නම් අපි ආපහු නුවර පැත්තට මීටර් දෙසීයක් වගේ දුරක් රේල්පාර දිගේ ඇවිදගන එන්න ඕන. ඔන්න එතකොට හමුවෙනවා ඇල්ලට හැරෙන තැන පුවරුව. ඉන් පස්සේ පටු මාවත දිගේ කිලෝමිටර් එක හමාරක් විතර යනකොට මේ ලස්සන දිය ඇල්ල හමුවෙනවා.



ගලබොඩ ඇල්ල ගැන කිසිවෙක් නොකි අපුරු කතාවක් අද අපි ඔයාලට පෙන්නලා දෙනවා. ගල්බොඩ ඇල්ල සරුසාර වෙන්නේ වැහි දිනයන්ට පමණයි. 
මේ නිසා වෙනත් ඉසව්වකින් ගලන දිය පහරක් කෘතිමව හරවලා තමා අද දකින ඇල්ල නිර්මාණය කරලා තියෙන්නේ. ගුවන් රූප රාමු වලින් ඔබට ඒ ගැන දැක ගත හැකියි. හොඳන් වීඩියෝව නරඹන්න.
කෘතිමව නිර්මාණය කරත් අපට තියන සුන්දරම ඇල්ලක් තමා මේ ගල්බොඩ ඇල්ල. ඇල්ලේ උස මීටර් තිහක් පමණ වෙනවා.
ගල්බොඩ චාරිකාව වඩාත්ම සුදුසු එක්දින දුම්රිය චාරිකාවකටයි. කොළඹ සිට ඔබ යන්නේ නම් දිවා ආහාරයටත් එක්කම ඔබට වැය වන්නේ රුපියල් පන්සීයකටත් අඩු මුදලකි.  ( තුන්වැනි පන්තියේ මැදිරි )
දිවා ආහාරය ගමේ විදියට ගල්බොඩ දුම්රිය ස්ථානය අසලම නිවසකින් සාදවාගත හැකියි. චිකන් කෑම එකක් රුපියල් එකසිය පණහකට ඉතා රසවත්ව සාදා දෙනවා.  ඔබ දුම්රියෙන් බැස්ස පසු එතැනට ඇනවුම දුන්නාම වෙලාවට කෑම ටික ඔබට ලැබෙන්න සලස්සනවා ඔවුන්.
අඩුම පිරිවැයකින් එක් දින ගමනක් යන්න හිතන කාටත් වටින පුවතක් වේවි මේ කරුණ.
විඩියෝව වැදගත් නම් හොඳයිනම් මගේ යු බටේ චැනලය සබ්ස්ක්‍රයිබ් කරන්න. ලින්කුව ෂෙයා කරන්න.
https://youtu.be/r6Uk--6Kzlw

Galboda Ella Fall
Galboda is an isolated village located in between Nawalapitiya and Watawala, in the Colombo-Badulla, the upcountry railway.
The Galboda Ella Fall in the Central Province. Galboda Falls is 30m high but the width ranges from between 3m and 6m, depending on the season.
At certain times of year, the water also cascades in two streams. Growing in the surrounding woodland is a rare species of orchid and the vicinity is home to a wide variety of wildlife. Among them are 12 species of reptile and four are only found in Sri Lanka.

2018-05-08

Ahungalla sea turtle conservation center


දකුණු ලක මුහුදු තීරිය කැස්බෑවන්ට සුර පුරකි. සිය වර්ගයා බෝ කරන්නට කැස්බෑවන් බිජු ලන්නට නිරන්තර මුහුදු වෙරළට සේන්දු වෙයි. එහෙත් එම බිජු පැටවුන් බිහි කරනවා වෙනුවට ගොඩ දමා හෝටලවලට අලවි කිරීමට තරම් මිනිසා කෘර වී ඇත.

එනිසාම කැස්බෑ සංරක්ෂණ මධ්‍යස්ථාන දකුණු කීපයක්ම දකුණු මුහුදු තීරයේ ආරම්භ වී තිබේ. 
නොබෝදා අපි අහුන්ගල්ල කැස්බෑ සංරක්ෂණ මධ්‍යස්ථානය දැක ගන්නට ගියෙමු.
මිනිසුන් ගොඩ දමන කැස්බෑ බිත්තර මුදලට අරන් නිසි පරිදි ඒවා රැකීමකට ලක් කොට දින පැටවුන් මෙලොව එළිය දුටු පසු මුහුදට මුදා හැරීම මෙහිදී සිදුවෙයි.
ඔවුන් ඒ වෙනුවෙන් මහත් කැප කිරිමක් වියදමක් දරයි.
පහත වීඩියෝවෙන් දැක්වෙන්නේ එම මධ්‍යස්ථානයේ දෛනික ක්‍රියාකාරිත්වයන් ය.

2018-04-06

ගල් ඔය ජාතික වන උයනට ඔබ තාමත් ගියේ නැද්ද? Gal Oya National Park

අම්පාර චාරිකාවක දී ඔබට යා හැකි මා හැඟි ස්ථානයකි ඉඟිනියාගල සේනානායක සමුද්‍රය. මහා ජල කඳක් රඳවාකන ඇති මේ සමුද්‍ර මායිමේ තවත් අගනා සම්පතක් වෙයි. ඒ ගල් ඔය ජාතික වනෝද්‍යානයයි.
ජාතික වනෝද්‍යාන අතර නාමාවලි ගත වුවත් බහුතර ජනතාවක් තාමත්  මේ වන උයන අමතක කර ඇති සේයාවකි පෙනෙන්නට ඇත්තේ.
ලංකාවට ආවේනික වූ වලස් විශේෂයක් හා දිවියා දක්නට ලැබෙන අගනා බිම් තීරයකි මේ ගල් ඔය වනෝද්‍යානය.

2017-10-24

The tomb of Adam and Eve's ආදම් සහ ඊවා සොහොන සොයා ගමනක්

ලංකාවේ තියන අද්භූත ස්ථාන අතරින් එකක් සේ සැලකෙන ආදම් සහ ඊවාගේ සොහොන් කොත් ගැනයි අද මේ වීඩියෝව.
මෙහි සත්‍ය තාව ගැන ගැටලු අපට ඇතත් අදටත් එම ස්ථානය හදුන්වන්නේ මේ නමින්.
තලේමන්නාරමේ මැද කොටසේ මේ සොහොන් දෙක එකිනෙකට සමාන්තරව පිහිටා තියනවා. 
ලොව දිගම සොහොන් දෙක ලෙසට අදටත් වාර්තා පොත් අතර රැඳිලා තියෙන්නේ මේ සොහොන් දෙක. 
මේ බිම මුස්ලිම් බැතිමතුන්ගේ වන්දනාමානයට පාත්‍රවන තැනක් හැටියට පැවතුණත් සංචාරකයන් මේ ස්මාරක දෙක නරඹන්න යනවා.
ආදම්ගේ පාළම සේ සැලකෙන ඉන්දියාවේ දනුෂ්කොඩි හා තලේමන්නාරම අතර තීරයට ආසන්නවයි මේ සොහොන් දෙක පිහිටලා තියෙන්නේ. 

2017-10-02

තල් ගෙඩියෙන් රසවත් පානයක්


ඔන්න අද අපි ඉදිරිපත් කරන්නෙ ලංකාවේ උතුරු නැගෙනහිර වගේම දකුණු වෙරළ තිරයේත් ඉතා හොඳින් වැවෙන තල් ගසේ ගෙඩියෙන් ඉතාමත්ම ප්‍රණීත පානයක් හදාගන්න ආකාරයයි. ඉතාමත් ගුණ දායක වගේම රසවත් පානයක් මේ තල් පානය. සීතල බීම විදුරුවක් අවශ්‍ය වෙලාවට ඉතාමත් ම ගැලපෙන පානයක් මේ තල් බීම. දාස් ගාණක් තල් ගස් යට මේ ගෙඩි ඉදිලා වැටිලා යනවා. මේ මගින් ව්‍යාපාරයක් ලෙස වුවත් තල් කෝඩියල් නිෂ්පාදනය කරන්න හැකයි. පසු ගිය දවසක අපි මන්නාරමේ කළ සංචාරයේ දී අපට මේ රසවත් බීම වීදුරුවක රස බලන්න ලැබුණා. මේ බීම අපට පිළිගැන්වුයේ මන්නාරම යුද හමුදා කඳවුරේදී. ඇත්තටම බීම රස බලපු අපට හිතාගන්නත් බැරි වුණා මේ මොන වර්ගයේ බීමක් ද කියන එක. පසුව සොයා බැලීමේදි තමයි දැනගත්තේ තල් ගෙඩියෙන් හදන ලද බීමක් බව. ඉතින් ඔයාලටත් මේ බීමක රස බලන්න එය හදන විදිය අපි එය හදපු ගෙන්ම අහ ගත්තා. පහත වීඩියෝවේ තියෙන්නේ මේ තල් ගෙඩියෙන් රසවත්ම බීම එක හදාගන්න සම්පුර්ණ ක්‍රමවේදයයි. දවසක හදලා බලන්න... හැදුවොත් අපටත් කියන්න. සාදන ආකාරය පහත ලින්කුවේ ඇති වීඩියෝවෙන් යු ටියුබය හරහා නරඹන්න.

2017-09-20

නොහඬන් විල්පත්තුව | Don't Cry Wilpattu

ජාති ආගම් පක්ෂ පාට භේදයකින් තොරව මැදිහත්ව මේ ගැන සිතන්න. වනාන්තරයක් යනු රටකට සම්පතකි. එදා නිල්ලෙන් පිරි හරිත වියනක්ව තිබූ විල්පත්තුව ජාතික වනෝද්‍යානයේ අක්කර දහස් ගණනක් අදවන විට මුඩු බිමකි. අවිධිමත් ජනාවාසයකි. ජනාවාසයෙන් නොනැවතී තව දුරටත් මහ වනය ගිල ගන්නා රාක්ෂයෙකි. වැනසෙන්නේ ජාතියට හදවතක් බඳු වූ මහා හරිත වියනයි.

2017-09-19

ඩුබායි රටේ මින් මැදුරේ කිමිදෙන්න යමු ද? | Dubai aquarium and underwater zoo

ලෝකයේ විශාලතම එල්ලෙන මින් මැදුර පිහිටලා තියෙන්නේ ඩුබායි රටේ. ඒක හඳුන්වන්නේ Dubai aquarium and underwater zoo කියලයි. විවිධ වර්ගයන්ට අයත් මසුන් ලක්ෂ ගානක් මෙහි ඉන්නවා. මෙහි ඇති විශේෂත්වය තමා උමග තුළ සිට වගේම වතුර යට කිමිදෙමින් ද මත්‍යයයන් නරඹන්න අවස්ථාව තිබීම. 
ඒ කටයුත්ත ආවාට ගියාට කරන්න නම් අවසර නෑ. මනා සෞඛ්‍ය තත්ත්වයකින් ඔබ පසුවිය යුතුයි. ඒ වගේම එයාලගේ නීති මාලාවකුත් තියනවා එසේ කිමිදෙමින් මසුන් නරඹන්නේ නම්. ඒ සියල්ලටම ඔබ එකඟ විය යුතුයි.
මෙහිදි ඔබට වතුර යට සිට දරුණු වර්ගයේ මෝරන් වැනි මත්ස්‍යයන් සමග ගැවසෙන්න හැකියි. ඔබේ ආරක්ෂාවට ඔබ වතුර යට සිටින්නේ යකඩ කූඩුවක් තුළයි.

2017-09-18

මුහුදේ සුන්දරත්වය විඳින්න එන්න පේසාලෙට | pesalai beach | Amazing Sri Lanka beauty

සංචාරකයන් විසින් අත හැර දමා ඇතැයි සිතෙන එහෙත් සුන්දරත්වයෙන් අනූන ස්ථානයකි මන්නාරම හා ඒ අවට ප්‍රදේශය. මන්නාරම් චාරිකාවේ දී අපි ගිය තවත් සුන්දරම ස්ථානයකි පේසාලේ මුහුදු වෙරළ.
මන්නාරම සිට තලේමන්නාරම දෙසට කිලෝ මීටර් 17ක් යන විට පේසාලේ නගරයත් මුහුදූ තීරයත් අපට හමුවේ.
නිසල මුහුදක් ඇති වෙරළ ආශ්‍රිතව නොගැඹුරු පැහැදිලි ජලයක් ඇති අපුරුම ඉසව්වකි පේසාලේ මුහුදු තීරය. 



දැනට ධීවර ගම්මානයක් ලෙසින් පවතින මේ මුහුදු තීරය තාමත් සංචාරක ආකර්ශනයට නතු නොවී තිබීම ගැන ඇත්තේ කනගාටුවකි.
සංචාරක කර්මාන්තය දියුණු කරන්නේ නම් තවත් අගනා පෙදෙසකි පේසාලේ.
මෙහි දී අප දුටු විශේෂත්වය නම් බටහිර රටවල සංචාරකයන් අතන මෙතැන මේ වෙරළේ විනෝදවන ආකාරයයි. දේශීය සංචාරකයන් නම් දක්නට සිටියේම නැති ගාණය.
පහත වීඩියෝවේ ඇත්තේ අප විසින් ඩ්‍රෝන් කැමරාවක් ඇසුරින් සැකසූ පේසාලේ මුහුදු තීරය ගැන වූ වීඩියෝවකි. එය යූ ටියුබය ඔස්සේ නරඹන්නේ නම් පහත ලින්කුවෙන් නැරඹිය හැකිය.
https://youtu.be/npEFBXb-1iM

මෙන්න වීඩියෝව




2017-09-06

බ්ලොග් වසන්තය 2017 | Sri lanka bloggers award ceremony

තුන්වැනි වතාවටත් බ්ලොග් වසන්තය සම්මාන උළෙල රත්නපුරේ සප්තපාදී හෝටලයේ දී අති සාර්ථකව පැවැත් වුණා. බ්ලොග් ලියන කියවන කාටත් මහත් විනෝදයක් ගෙනදුන් මේ අවස්ථාව උදාවුණේ ඉන්දික කොඩිතුවක්කු, දුශාන් කරවිට වගේම අතුල තිලක් රණසිංහ කියන බ්ලොග් කරුවන් තිදෙනා නිසයි.
බ්ලොග් කරුවන් බ්ලොග් ලෝකයෙන් ඈත්ව යන වකවානුවක ඉන්දික හා දුෂාන්ගේ සංකල්පයක් මත තමයි මේ බ්ලොග් වසන්තය ආරම්භ වුණේ. 

2017-08-08

| කුරුල්ලෝ බලන්න යමු කුමන - Ramsar wetland kumana |

Amazing Sri Lanka 
beauty episode 1
Travel Kumana with GoPro

මේ පාසල් නිවාඩුවේ චාරිකාවක විනෝදය වගේම දැනුමටත් බොහොම දේ එකතු කරගත හැකි ගමනකි කුමන අභය භූමිය නැරඹිමට යාම.
1970 ජනවාරි 20 වන දා ජාතික උද්‍යානයක් වශයෙන් නම් කරන ලද කුමන වඩාත් ප්‍රසිද්ධ එහි පැමිණෙන විවිධ සංක්‍රමණික පක්ෂීන් නිසාය.එය කුරුලු අභය භූමියක් ලෙස 1938 දී ප්‍රකාශයට පත් ක‍රන ලදී.
මෙම අභය භූමියේ විශාලත්වය හෙක්ටයාර 35,664 කි

සතුන් හා ශාක කළපු සහ වැව්වලින් යුක්තය. කුඹුක්කන් ඔය පිහිටා ඇත්තේ මෙහි වේ. පලු, ඇහැළ, බුරුත, නෙළුම්, මානෙල් වැනි ශාක වලින් සමන්විතය.මෙහි පක්ෂීන් විශේෂ 255 පමණ වාර්තා වී ඇත.අලි-මානාවා, හීන් බහුරු මානාවා, යුරාසියා හැඳිඅලවා, මහ ගොළුකිරළා මෙන්ම සංක‍්රමණික පක්ෂීන් අත‍ර කොකුන් වර්ග,ලිහිණි වර්ග,තාරාවුන් ව‍ර්ග, වටුවන් වර්ග, හැඳි ආලාවා, පොරෝ කෑදැත්තා වේ.තිලාපියා සහ ගල් මාලු යන මත්ස්යයන්, කිඹුලන් සහ කැස්බෑවන් වැනි උරගයන් මෙන්ම හිවලා,ඌරා, අලියා,බිලාල වර්ගයට අයත් ක්ෂීරපායීන් ද මෙහි වාසය කරයි.උද්‍යානයේ අලි ගහනය 30-40 පමණ වේ.
නැරඹීමට යාමේදී දැනගත යුතු කරුණු 
අප්‍රේල්-ජූලි මාස වලදී පක්ෂීන් දස දහස් ගනනින් සංක‍්රමණය වන නිසා එම කාලය නැරඹීමට යාමට වඩාත් සුදුසු කාලයයි.

කුමන යන්නේ නම් වඩා පහසු පානම පිවිසුමට ගොස් ඇතුළු වීමයි.  මොණරාගල , සියඹලාන්ඩුව, ලාහුගල, පොතුවිල්, අරුගම්බේ ඔස්සේ පානමට ළගා විය හැකියි.

Ramsar wetland kumana
Sri Lanka designates Kumana Wetland Cluster Ramsar Site as its 5th Wetland of International Importance
This Ramsar Site (19,011 ha; 6°37’N 81°44’E) falls within two existing protected areas, Kumana National Park and the Panama-Kudumbigala Sanctuary. Located South-east of Sri Lanka in the Ampara District, this site consists of a diversity of coastal wetland habitats, including lagoons, estuaries, irrigation reservoirs, mangroves, salt marshes, interspersed with sand dune, scrubland and forest vegetation.

2017-07-27

Hair donation for cancer patients in sri lanka පිළිකා රෝගින් වෙනුවෙන් කෙස් දන් දුන් චාන්දි



පිළිකා රෝගයෙන් හිස කෙස් අහිමි වූවන් සඳහා කෙස් බද්ද කිරීම් දැන් සිදු කෙරෙනවා. බද්ද කරන්නට නම් නිරෝගී ප්‍රමිතියෙන් යුතු කෙස් තිබිය යුතුයි. මේ කෙස ලබා ගන්නේ පරිත්‍යාග ශීලීන් ගෙන්. විදෙස් රටවල නම් මේ කටයුත්ත සිදුකෙරුණට අපේ රටට ටිකක් අමුතු කටයුත්තක්.
ඒත් දැන් ඒ කාර්යයට මුල පුරලා තියනවා. අඟල් අටකට වඩා වැඩි දිගකින් යුතු ඔබට හැකියි කෙස් දන් දෙන්න. මේ දන් දීමෙන් කිසි සේත්ම ඔබ ට කෙස් අහිමිවන්නේ නෑ. ඔබේ රුපයට සරිලන සේ විලාසිතාවක් ඇතිවන ආකාරයට තමයි මේ පරිත්‍යාගය ලබාගන්නේ.
එහෙම කෙස් පරිත්‍යාග කර කෙනෙක් තමයි චාන්දි, ඉතින් චාන්දි වගේ ඔබත් කැමතිනම් කෙස් දන්දී තවත් අයෙකුගේ සිතට අස්වැසිල්ලක් වෙන්න. මෙන්න ඒ අවස්ථාව ඔබටත් දැන් තියනවා.
මේ කාර්යය කරන්නේ රමනි ප්‍රනාන්දු රූපලාවන්‍යාගාර මගින්. ඔබට පුළුවන් වේලාවක් වෙන්කරගන ගිහින් මේ පරිත්‍යාගය කරන්න. විස්තර විඩියෝවේ.
විමසිම් 0112363211





Feed!

RSS Feed!
RSS Feed!
RSS Feed!
Subscribe to our RSS Feed! Follow us on Facebook! Follow us on Twitter! Visit our LinkedIn Profile!
Feed!

ඉන්ස්ටග්‍රෑම්

Instagram

tweet

ළබැඳි මිතුරන්